allgäuer - so, dann stell ich mich auch mal vor

[Allgäuer]

hi schorsch!

dankeschön! woher kommst du denn genau?

klar geb ich gern ne kostprobe :)




I bi an Schwoab,...!


Vom Bodasee bis Stuagat nauf,
vom Schwarzwald bis zom Iller-Lauf,
d´schwäbsche Alp ond d´Eisabah,
a oignes Meer, do luag no na.
A Sproach dia sonsch koi Mensch verstoht,
weils au do oms spara goht.
Maulfaul sei er, hoißts vom Schwab,
sei id grad bsonders hochbegabt,
schaffig, sparsam, kreativ,
doch schdille Wassr seiad diaf,
gohts oms maula ond oms fluacha,
braucht ma Schwoaba id lang suacha,
Heilandzack ond Herrgottnei,
mei liabr Herr Gesangsverei,
Seckel, bluatge Hennakepf,
dreckads Huraglomb verreckts,
Sackzementabr´au, ha jo,
doch dr Schwoab, der moints id so.
Solang er was zom bruttla hot,
woiß ma, dass em prima goht.


I bi an Schwoab, des frei i mi,
em Hochdeitsch id mächtig, des bi i,
i bi stolz an Schwoab zom sei,
weil des isch oifach eiwandfrei.


D´schwäbsche Kuch, dia isch dia bescht,
uf dera Welt, vom ganza Rescht,
Mauldäsch, Kuttla, Käs ond Spatza,
bringad jedn Schwoab zom schmatza,
mit Lensatopf ond Sauerkraut,
wird dr Druck em Darm aufbaut.
Graichtes Floisch ond Schwattamaga,
Brezga ond an Boinar naga,
an Salat aus Bodabiera,
muass au jedar mol probiera,
gschupfte Nudla, Soitawurscht,
mit Moscht ond Bier stillt er da Durscht.
Ond s´greschte Lob fir d´Kuchaleit,
isch des, wenns gar id erscht oins geit.


I bi an Schwoab, des frei i mi,
em Hochdeitsch id mächtig, des bi i,
i bi stolz an Schwoab zom sei,
weil des isch oifach eiwandfrei.


Schaffa, schaffa, Heisla baua,
ond allbot noch de Mädla schaua,
dr oigna sei er treu, dr Schwab,
ond mit de andre wechsl´er ab.

Große Schwoaba onsrer Zeit,
ond au dr Vergangaheit,
Albert Einstein, Friedrich Schiller,
Theoria, Fäderfüller,
Daimler, Benz und Carl von Drais,
drom lauf mr nemme, fahrad meh.


I bi an Schwoab, des frei i mi,
em Hochdeitsch id mächtig, des bi i,
i bi stolz an Schwoab zom sei,
weil des isch oifach eiwandfrei!




lg allgäuer

[Eifelhexe]

Hallo Flori

einfach nur TOLL!!!!!!!!!!!!!!

Wenn ich auch als Rheinländerin nicht alles wortgetreu übersetzen kann, aber den Sinn versteh selbst ich #baeh# .
Zugabe!!!!!!!!!!!