weidewelt.org

Moije Allmidenanner!

nodem misch jetzt schunn zweh gestumpd hann weje dem Stammdisch, will isch jetzt emol en naije Fred uffmache.
Am letschde Stammdisch henn mer uffm Parkplatz besproche, daß mer uns im Okober no emol dreffe wolle.

Wann passts'n Aich?

Aller, dann lejen bei dem Umfroch äfach emol los.

De Treffpungt is jo kloar. Des mache mer widder im Grumbeerkeller. Sähm taim, sähm pläs - wie de Englänner so sache dät.


S'grüßt Aich e Lafayette, die im Urlaab bald meh Streß hott wie sunschd!

Isch hann fer de 6.10 geschdimt #daumen_hoch*


Thomas

Also mer henn ach fer de 6.10. gschdimmt.Mir sin allerdings flexiewel.
Hauptsach net de dreizehnde...

Griess vum Mischl

Ei Gunn Tach,

@Lafayette: Mein Godd hadd das lang gedauad #stoned# , isch waade unn waade uff die andword unn do haschde schunn e neija Fred uffgemach. Es Enn fomm Lied iss, dass die Flasch faschd leer iss, fonn der isch da fazehld hann.

Allso, isch hann danne ahch fa de sechsde Ogdohwa gestimmd, iss ma eigendlich egahl, awwa isch wolld misch halld denne zwä liewe Fohreteinemma ahnschliesse.De Zwanzischde dähd ahch gehn, awwa am Siewenezwanzischde hadd mei Äldschda Gebordsdahch. Do muss isch wedda e Hord vorpubatierende Buhwe hiede #stoned# .
Dann frei isch misch dann jezza uff denne Owend #jubel# , kreize ma denne ahch rohd im Kalenna ahn unn so weidda.
Kann nurre hoffe, dass ma bis dordhien kenn Hubschrauwa von lings aus de Seidestross gefah kummd odda ess Gaspedahl wieder klemme duhd #shock# , sonschd kennd isch nurre in Stiggcha kumme unn wer mahn das schunn.
Widdasiehn scheene Griehs :D
Anouschka

Hallo und Gemorje, isch hann dann aach fier de Sexde geschdimmt. Freie misch aach schon off denne Samschdach.

Vlg Claudia

dann schießen wir uns mal auf den 6. ein, obwohl mir derzeit jeder Oktober-Termin gleich recht ist

Zitat: ... sähm pläs ... oder meinst Du @Lafayette sähm plaisir !?

viele Grüße
Günter

huch genahbend,
ma hann jo schunn faschd die obligadorische 26 seide vollgeschrieb.
jezza wähs isch ned ob isch noch was hinzufieche soll. ;-)
mir iss heid wedda ebbes bassierd, was isch eisch ned forenthalle will.
es hadd ahch wedda med meinem schwazze löhwegefährd se duhn #stoned# , wann emol ned #ka# .iss awwa ned zum lache :-( , awaa gedähldes lähd iss halwes lähd. #daumen_hoch* ich komm ahch gleich zur sach (awwa ned die wo de werna menne duhd, e annarie) @schühlw: tschuldschung awwa ich kanns seid emm märz ned fagesse :-) .
also:
isch wa heid med meinem äldschde beim doggda und uff em hemmwähch
muss ich in carling iwwa die kreizung fahre. vielleichd iss enna funn eisch schunnmol do iwwa die kreizung gefah ;-) . ich bin bei GRIEHN iwwa die kreizung langsam gerolld, gehd ahch med demm audo ned schnella, weil jo das audo emm ned die wurschdschwahd vomm brohd ziehe kann #stoned# .hinna de kreizung kommd vonn rechds e leiiiiiiichd abschissischie strohss e raus, awwa ned rechds vor lings. kenne ihr eisch das so e bissje vorstelle #ka# . ich fahre, unn uffemol kommd aus der strohs e maximal vierjehrisches bubsche med seinem kiggbordroller rausgeschoss direggd for mei audo. #shock# #shock# #shock# #shock# ich gleisch geschrieh, ess lengrahd no lings gezoh uff die gehefahbahn. das bubsche bremsd im ledschde momend ab, dass die rähfe funn seinem rolla bloggierd hann und das kind parallell zu meinem audo gestann had.unn wissena was das bubsche gemach had???????
grins frech in mei audo rinn unn wissene was isch am liebschde gemach hädd? ihr kinnes eisch denge, isch wär am liebschde ausgestieh unn häd dem klähn rozzleffel die hinnare fasohld.was wär enn bassierd, wenn isch gehefakehr gehadd hädd, ma wäre sesamme geknalld. beim e pekawe wärs jo noch gang, awwa do fahre ahch e haufe ellkawes rum, iss jo das schemiewerg unn die kohkerei dorde. broschdmahlzeid, hädde ma mei siewe ehrbeggs ahch nix mä genizzd. ess enn fumm lied iss, dass ich wedda de pudding vom doggda eddga in meine knie hänge hann unn isch heid nachd wedda schlechd drähme duhn.das wolld isch eisch korz fazehle.
isch winsch eisch ebbes, bis danne mol
anouschka

Moije,

s'is Sunndach Moje und isch hann die Schnautz gestriche voll!

De letschde Mittwoch henn mer die Gääse gemolke, awwer schon vorher is mer uffgefalle, daß mei neie Gääs so komisch war. So hott uffm rechde Hinnerfuß gehumpeld. Ich hab mer dann de Fuß angeguckt. Nix dick, nix warm und käh Dorne drin. Dann hann isch e dinne Blutspur uff de rechde Zitze gesehn un habs Bähsche hochgehowe. Des was ich do gesehn hab hott mer die Sprach verschlache. En 20 cm lange Riß senkrecht es ganze Euter lang, nur die Zitze war unverletzt. Un des Ganze war noch ganz frisch.
Mer henn dann die Gääs zum Doc gebracht. Er hott zweh Magazine Tackerklammern druff verschosse. Es sieht awail awwer gut aus. Nix dick un die Milch is aach in Ordnung.

Am Freidach Moije ruft misch mei Freindin oh un sachd mer weinend, daß am Stall unsere Sattelkamern uffgebroche worn sinn, und alle Sättel fott sinn. Beim Nachbarn es selbe! Un beim iwwernexde Nachbarn sinn noch 12 Karnickel mit fott kumme. De Polizei war do, awwer des wird wohl e Bande ausm diefschde Oste gewese soi, weil so alle halb Jahr wern hier die große Ställe ausgeraubt. Ich hat en saudaire Sattel, wo optimal uff mein Gäulsche gepaßt hat! So ena kann isch mer awail nimmie kaafe #heul# .

Hait Moije, s'is Sunndach, liegt unsern Mopped midde uffm Parkplatz. Die Nacht hott ena versucht s ze klaue. Se henn awwer des Lenkradschloß nett uffgried. Die ganze linke Seite is efach nur verkratzt.

Un jetzt frache ich mich hald, in was fer Zeide mer eigentlich lewe!

Danke für's Zuhören.

Lafayette

Gemorje Lafayette,

#trost# das duhd ma jezza orisch lähd. Isch froh misch ahch imma wedda, was in mansche Gehernskaschde forgehd. #ka# Hann die nix anneres se duhn , anscheinend sinn die all ned ausgelaschd.Dann soll ess se wenischens de Leid kenn so Schahde zufiehsche.
Isch kann nurre de Kopp schiddele.

trotzdem e scheena Sunndach noch fa all
Anouschka

p.s.: Lafayette klänie Korreggdur, isch hann da ned zugeherd, sondern zugeguggd. Awwa mier gehds ahch imma e bissje bessa, wenn isch ma was funn de Seel schreiwe kann.

Hallo Lafayette,
sa mol wu wohnen dann ehr?Bei uns in Hettrum wern eher Audos uffge-
broche un Drooche vertickt...Awwer was dir passiert is, is unser greeschdi
Angscht.Uff jeden Fall habt ehr unser Mitgefiehl.
Was vor eh paar Daach in Wattrum passiert is : En Oibrescher is uufs Dach vum Suubermarkt gekleddert und dann hot die lautlose Alarmaanlach die Audobahnpolizei vun gejeiwwer dem Suubermarkt alarmiert.Und die sin ach glei kumme und henn den Dabbes vum Dach geholt.

Liewe Griess vum Mischel