Stammdisch im Oktober!?

[Elise]

Gemorje Anouschka, wie bai de Thomas friestigge? Haschd doch gesaht, daß de misch net midholschd?
Das muss isch glaisch im Thomas noch schreiwe.
Unn wie kommschde iwwahaubt droff, daß ma in die Kisch sitzw wirre? Ich will offem Sofa hugge. Isch mache jo beim Esse känn Krimmelle (so wie du) #jubel#

Vlg Claudia

[Lafayette]

Hallo un Gemoje,

mir hotts ach gefalle. Ich kumm doch gern #jubel# . Isch frei mich scho wirre uff de näxschde Stammdisch.

All die scheene Sache zum Dausche #jubel# . Ihr derfen rode was ich awail in jede freie Minude mach - genau, Lama verspinne *fg*

Un erschd em Aika ihrn scheene gefilzde Sache! Mei Dochter hot sich soo iwwer des scheene Haargummi gefraid.

Ach so, iwwer Geese henn mer ach gered *fg*

Grüßle
Lafayette

[Erhard Lutz]

Ei, wanns am Thomas recht is käm isch a gäre zum friestücke.Dass det mer gud gefalle,is jo a net weid vun uns weg.

Lafayette,dass frät mich awer dass das Hoorgummi deiner Dochter gefallt!
Der Artikel iwer die Wollkämm müsst a bei der a kum sin.

Thomas, do hasche rächt .Isch krie es Koppweh a ohne Rotwei. Es is schu
a Armut wann mer nix mi vertrahe tud.Hätt isch Rotwei getrunk kännt isch
wenischtens demm die Schuld gewe.

Bis ball
Bärwel

[Lafayette]

Hallo Bärbel,

jo, de Artikel is gestern gekumme. Vielen, vielen Dank! Vun dere Fra kenn ich die Homepätsch schunn, awwer die ganz genaue Oleidung zem Kämme had ich noch net.
Geschdern Owend hann ich mer ens vu de Lamas vorgeknüppt un hann glei die Ausbeude verbessert #daumen_hoch*

Nochemol danke un liewe Grieß

Lafayette

[Thomas66]

Bärwel.....selbschtverständlisch bischt du ach von Herze ingelade zum Friestick #daumen_hoch* ....is doch kä Frahch :-)
muscht dich nur mem Anuschka un em Claudia korzschliese :-)


Thomas

[Ziegenfreundin]

haha wie scheen #jubel# ,
genobend sesamme

@bärbel: am beschde schlieschd disch med mier korz, memm elisja kennd das gefehrlisch werre, noher grien ma noch ennie gehuschd #stoned# . schiggschd ma danne mol bei geleschenheid dei pollizeilisches fiehrungszeichniss unn dei lebenslauf, damit die sach konduhre gried.

das werd jo danne rischdisch luschdisch beim thomas, faschd wie so e kleena briwahda stammdisch, wo ma fiel lache kann. #jubel# #jubel# #jubel# .@thomas: soll isch danne ahch selwad gemachdie marmelad unn e likehrsche medbringe so als suwennir?

scheenes wocheend
anouschka

[Erhard Lutz]

Ei danke Thomas, dass isch a zumm Friehstikk kumme derf!
Muss isch do no Frankreisch noch a schriftlischer Atrach schicke?
Was soll isch dann do noch metbringe? Was hätten ner dann gäre?
An Likeer hätt isch noch, Roselikeer.Is awer net vun dem Johr,mer kann ne awer noch drinke!
Heit warn mer met de Gääse spazeere.Zwe Hunn unn zwee Gääse, das hat Spass gemach.Die zwä gehe ohne Strikk met uns.
Bei de Ächebäm sin se als länger stehe blebb un hann Ächele gefress.
Die Leit wo äm siee, gucke immer ganz dumm.Isch glaab vun weitem männe se als meer hätten arich große Hunn dabei.
Unser Katze hann mer müsse hämschäche,sunscht wärn die anoch metgang!
Schäne Griß un a schäner Sundach
Bärbel

[Bolivar]

Jetz wees isch aach warum eier friehstick stammdisch heest, bei dem ganze likkeer...

Proscht gemä

De Mischl

[Elise]

Hallo Mischel, do haschde awwa was in de fakehrde Halz kredd. Mir dun doch net schon am friehe Morje tringe, außer Kaffee und haißes Wasser ;-)

Netemols owwends beim Stammdischtreffe hamm ma Geleschenhäid Likörscha ze trinke, ma misse doch alle widda irgendwie hämkomme.

Vlg Claudia