De näxschde Stammdischdermin... (Juni)

[Ziegenfreundin]

Hei sesamme,

@Elise; E L I S J A ; kannst du mich lesen orra kanschde misch lähse.

Isch wolld da nurre sahn, dass wenn de heid Middach nomohl an de Stall gehschd, nedd unbedingd dei Geisse nosezähle brauschd, isch sahn da gleisch :ESS FEHLD ENNI!!!!!!!!!!!!!!!!!!!!!!!!!!!!!!!!!!!!Unn du wäschd ahch schunn welchi, isch konnd ahch nix mache, ess Klähn iss ma ehnfach noch gefloh :D .Do hann ischs danne in de Koffaraum gestobbd unn hanns an de Ohre feschdgebunn, sinn jo so lang , dass ma e Knohde rinn mache kann unn noch e Schlupp binne kann. Awweile stehds schunn unne beim Ebbi unn Ko unn freid sisch. Jo dass wolld isch da nurre sahn, hann emm awwa schunn Kiesellstähn an die Ohrläppcha gehong, damed die mol bisje runna gehn. Jezza muschde ma nurre noch de Nahme fonn demm Klähne sahn, dameds ahch kommd , wenn ischs ruhfe.
A unn noch ebbes, unnawehgs uff de audobahn had sisch dei Katz gerächd
ahn ma, wa bestimmd die Retuhrkutsch, weil isch imma so gudd iwwa die Kazze allgemein schwezze #damdidam# . Laafe hald jezza du rumm memm Klozzau, #shock# . Gespannd wanns wedda abgeschwoll iss unn ma nomohl ess Weiss erkenne kann.
Alleh hobb, ich gehn awweile noch Tee koche fa mei Geisse, damedd die ned so blähe unn die Umweld faschmuzze. Isch kennd ma jo a graad e Teebeitelche uffs Au lehe, was fa digge Beich gudd iss, iss ahch fa digge Aue gudd.
Widdasehn, isch winsch eisch all e scheena Dahch
med nur scheena, angenehma Arwedd :D

Anouschka

[Elise]

Hallo Anouschka, isch wäs zwar net wieso de am hellischde Taach treeme duschd (Walnusslikör wolldschde uff de nüschdanne Maache jo net dringe)?

Mei Challa iss off jede Fall noch bei ma. Isch hann nämlisch ewwe im strömende Ränn mid meine Geisse e Schwätzje gehall. Allegare sinn ma naß bis off die Knoche. Iss ganz scheen kald gewänn. Awwa dann iss die Sonn komm und ma hann all gedampft.

Ees nägschde Mol, wenn de bei ma bischd begrüschde mai Katze halt nimma mid der Anrede "noch so ee Unnedischa". Dann krischde aach kenn dicke Aue. Das war nämlisch die Strof defir.

Vlg Claudia

[Ziegenfreundin]

hahahahahahah,

@Elisja, soso gedemmpt haschde. gehschde jezza ahch schunn ausdinschde wie mansch annara noh warmen rähn ;-) #jubel# #jubel# #jubel# #jubel# . geil der wa gudd, isch lach misch gabudd.
huch jezza fang isch noch ahn se reime fa disch, mach isch sunschd ahch nur fa gans besonnaschd liewe leid ;-) , die ma ans herz gewax sinn, also jezza ned so fa disch @elisja (ho ho, ich seh schon die rute in deiner hand, mit der du auf mich losgehst, aber ist nur spass gell )
unn mol gans unna uns, de schbruch, denne isch bei de kazze lohsgeloss hann endschprischd schunn de wohrhäd.
hui und wegg bin isch
@anouschka

[Ziegenfreundin]

Hebbi Börsdei tu juh, Hebbi Börsdei tu juh..........(das wa awweile englisch bladd #shock# )

Mei liewer gudda Raimund,

zu deinem Ehredahch #geburtstag# winsch isch da es Allabeschde, fiel Spass #jubel#
unn forallem Gesundhähd #daumen_hoch* .
Loss ess da gudd gehn unn hau mol rischdisch uff de Butz #damdidam# .
Biss zum negschde Stammdisch, dann dringe ma ehna unn wenns nurre e Abbelschohrle iss #ka# .

Aller hobb, machs gudd unn so weida
sei heid gewangd funn ma :D
Anouschka

Huch, die fliehe awwa orisch schnell do uff demm Bild, kann ma ganed rischdisch lähse #stoned#

[Elise]

Hallo und Gemorje, isch schließe misch selbstverschdändlisch denne Glückwünschen vom Anouschka oon.
Raimund auch von mir alles erdenklich Gute.

Isch wäss zwar net wer de Butz iss, awwa Raimund, du muschd das net so wördlisch nämme und denne Butz haue.

Unn Anouschka, isch tringe beim näxschde Stammtisch mit, net das de dengschd du kinnschd disch medem Raimund ins Eggelsche faziehe und middem allän anstoße #jubel#

So jetzd kannsche widda schreiwe ich wär ee Beesses.

Vlg Claudia

[Ziegenfreundin]

Gemorje,

ei @Elisja: Was willschdn noch alles, hä hä? Fahschd doch schunn med ma no Luxeburch 600 Geisse gugge unn Kaffee dringe, bei demm annare griehn ma ahch noch e Brohdzeid (haschde bestimmd iwwalähs ;-) ),
iwwanahchde solle ma ahch noch sesamme. Das werd gudd, mier zwä in emm Dobbelzimma *fg* .Jezza willschde disch ahch noch zwische misch
unn emm Raimund hugge unn meddringe.Soebbes nennt ma schlichdweck
"uffdringlich bis imperdinennt".Trauschd da zimmlisch fiel zu, jezza wo unsa Herdbogg in Urlaub de Ellsche nohrenne duhd #jubel# . Isch werres emm awwa fazähle, soball a widda dohemm iss. Fonn mier aus kannschde danne ahch aldi Pezz zu ma sahn.

Widdasiehn unn scheene Griehs
Anouschka

[Elise]

Hallo Anouschka, isch hann nix iwwaläs !
Isch iwwanachde doch net mir dir, wie kommschd dann du off so ee Idee?
Wenn dann schlof isch im Geisseschdall und net imme Dobbelzimma.

Un nochwas: Isch bin net inkondinent.

Wenn ma schon vom Tringe schwätze: Wann mache ma dann de näxschde Stammdisch?

Vlg Claudia

[Bolivar]

Hallo,
des is e guudi froch...

Gruss Michael

[Anonymous]

Wenn ma schon vom Tringe schwätze: Wann mache ma dann de näxschde Stammdisch?

Der ist am 8.9. in der rheinhessischen Schweiz. Grillen bei uns.

Michael

[Ziegenfreundin]

Hallo Mahlzeit,

ich schreibe dann jetzt mal in Hochdeutsch, huch fällt mir gerade in diesem Thread etwas schwer. ;-)

@Michael alias Cybister: bei dir findet am 8.9 der private Stammtisch statt,
uff Dialeggd: Das iss de Stammdisch wo aus de Reih danse duhd, wie meina am 2.06 bei unns dohemm.

Wäre doch schön, wenn wir einen zusätzlichen im Oktober im Grumbeerkeller veranstalten könnten, wo wir alle an einem Tisch nochmal zusammenkommen.Der Grumbeerkeller liegt für alle Beteiligten in der Mitte und man muss keine überlangen Fahrzeiten in Kauf nehmen. #daumen_hoch* . Ich von meiner Seite würde gerne mal Familie @Bolivar treffen . Es haben sich auch in letzter Zeit viele aus Rheinland-Pfalz angemeldet (Raum Pirmasens usw). Sie könnten wir dann auch anschreiben, ob sie Lust und Laune hätten am Stammtisch teilzunehmen. :-)

So @Lafayette du Nette. Sollen wir einen neuen Thread eröffnen, du fandest die Idee doch auch ganz gut, dass wir im Oktober uns nochmal alle treffen? Zudem würde ich mit dir gerne nochmal tauschen, also falls es wirklich zu dem Treffen kommt, siede was das Zeug hält.Ich hab auch diesmal genug Tauschmaterial,aber in alkoholischer Fruchtform anzubieten. *fg* (mmhhhhlecker,lecker) Wenn de da awwa liewa mahmelaahde uffs Brehdche schmiere duschd funn ma, solls ma ahch reschd sinn. Hann isch ahch noch.
Nur mal so am Rande erwähnt, der 20.10 wäre ein gutes Datum, um im Grumbeerkeller Ziegenbratwürste oder sonstiges zu essen.

@Elisja: Jezza hann isch fagess was de geschrieb haschd owwedriwwa, kann misch also ned wehre, weil isch ahch do nedd die ledschde Berichde
ahngezeihd grien. Isch wähs nurre ehns, du haschd was im Forum iwwalähs , hahahahahahahahhaha #jubel# #baeh# #damdidam# .

So, liebe Grüsse
Anouschka