Stammdisch im Oktober!?

[Lafayette]

Ach Bolivar, mer wohne bloß in Fränsem. Des is da, wo die Vandale hause.
De Stall is bei LU. Un die Gääse sinn bei Därkem.
Zuminneschd bei der Gääs bin ich mer sicher, daß des kähn Mensch im direkte Sinne war. Da henn die Winzer ihrn olle Droht vu de Wingert ins Gebüsch geschmisse. Es is net s'erschde mol, daß mer Drohverletzunge hadde. Mer sammeln des Zeig zwar immer ab, awwer mer finne halt nie alles.
Mer henn en Stick, do is de kompledde Drohtrahme noch im Bode. Mer sache immer des is de Ziegentoaster. Wann do de Blitz neischlachd, dann sin die Gääse getoschd. Do henn mer schunn en kompledde kläne Hänger Drohd rausgehold, awwer mer finne immer noch meh.
Alsemol henn mer käh Luschd meh die Arbeit ze mache, wann efach bloß die Viehcher drunner leide müsse.

Grüßle
Lafayette

[Ziegenfreundin]

Hallo genabend odda genachd,

@lafayette: isch muss disch mol in bezuuch uff de stammdisch was frohe.
haschd misch jo owwedriwwa ehnfach iwwalähs, haschd nur noch aue fa de bolivar gehadd. war isch e bissje traurisch, awwa egal jezza. isch will disch frohe, bass uff dobbelpungd, anfierungsstriche (gensefiessja) owwe:
" kinnde mier wedda tausche an dem owend frahchezeiche, gensefiessja owwe?" dei sähf iss all unn isch hädd wedda gehre welschi, funn der gewerzsäf, wenns gehd, zwä stigga.
isch hann ahch e haufe tauschmattrial. wie de fielleichd geherd odda gelähs haschd, mach isch aus emm obschd ned nur noch mamelad, sondann ahch likehr. hann ahch ohrisch gudda brommbär unn fiersischlikehr im angebodd, do dähd isch e fleschelsche funn endbeere kenne, fa zwä stigga säf. iss werglisch guddes zeisch, bied isch ahch nur besonnare liewe leid ann.haschde luschd?????

scheena owend fa eisch all unn e scheen wocheend, falls ma uns nimmä lähse.

anouschka

[Elise]

Gemorje, wenns Anouschka schon demed onfangdt, dann mach isch glaisch waida: Uli bring ewwe mol ee bissje mee mid von denne dicke Sticka, wär net schleschd.

@ Anouschka, iwwaläs wirschd du off känne Fall, manschmol iss ma nur ee bissje eenfallsloos unn dann kamm ma hald nix schreiwe.

Vlg Claudia

[Ziegen-Heinz]

gemorche

@elise muscht mol die anouschka froche feleicht helft ehr likehr ach geche eifallsloosichkeit.
ob se deer was abtrede deet?
froche koschdet nix

mfg uwe 8)

[Elise]

Hallo, ohje Uwe, viehläischd hann isch schon ze vill von meinem aigene Liekör getrunk. Was kam ma dann do jätzd mache?
Mid absetze brauch ma awwa känne zu komme, do de vier schmeckd da ma ze gudd.

Vlg Claudia

[Lafayette]

Moije Anouschkasche, moije Elisje,

s'is käh Problem. Ich bring die Seefekischd mit. Von dere Gewötzseef is noch genuch do. Un annere Seef ach. Dann mache mer widder Bazar.

Von derre Haarseef sin bloß noch zweh Stickelcher do, awwer ich mach widder. Milchseef muß ich ach noch mache.

Un was ich noch verzähle wolld... Se henn unsern Sättel in Görlitz widder gefunne #jubel# Se warn uffm Wech no Pole. Allerdings warn die Karnickel net debei. Mir frage uns nadirlisch wo die arme Häselscher gebliwwe sinn. Wahrscheins schunn gesse. In Görlitz henn se bloß en Täter griehd. Die annere zweh sinn bestimmd noch in de Palz un esse Karnickelbrode *arrrgh*.

Grüßle
Lafayette

[Elise]

Hallo Uli, das fraid misch ze heere, daß mid de Säddel. Das mid de Karnigel nadierlisch net.

Freie misch schon off de Stammdisch.

Vlg Claudia

[Ziegenfreundin]

Gemorje,
do stehd ma mol e bissje späda uff unn schunn redsche die leitgeiss unn de herdbogg iwwa annare. hann ihr schunn eia frihbeschbrechung gehadd?
@uwe, wann de so ahnfange duschd, derfschd de nie funn meinem likehr probiere unn ess elisje ahch nedd.
awwa @elisja, fawass willschd du funn der grohss säf hann, haschdes wedda nehdisch, dass iss doch die wo ess lafayette bleischmiddel rinnmische duhd :D :D :D .
@lafayette: nä jezza ohne quwatsch, mei fiersich unn brommbeerlikehr iss orisch gudd, denne haschde da fadiehnd #daumen_hoch* . wenn de denne probiere duschd, derfschde awwa ned die balahwerschuh aanhann, sonschd hauds disch aus denne raus #jubel# #jubel# #jubel# .

scheena dahch noch
anouschka startet gut gelaunt in den neuen tag #damdidam# #jubel# ;-)

[Ziegenfreundin]

Huch jezza hamm ma uns iwwaschnidd. #ka# ihr zwä wahre nur frieha ferdisch,
isch komme mol wie imma spähda hinnahergeloff.

servus

[Ziegenfreundin]

Gemorje,

isch winsch eisch all e scheenes Wocheend, ahch denne Stammdischbrieda und Schweschdarre, die irjendwie fascholl sinn #ka# #ka# . Ma wahre doch schunnmol meh gewehn.

@elisja: Alles kla bei da #daumen_hoch* , isch hann ma schunn e paa Gedange geschdann owend iwwa disch im Schedd gemach unn heid morje bischde noch offlein um diedo Zeid. Soll isch noher mol bei da forbeigugge, isch muss eh no Saabrigge. Will ma was zum ahnziehe kaafe. :D

@Günter: isch winsch da e scheena Uhrlaub, ums Wedda brauchschde da kenn Gedange se mache. Isch hann ehwe de Weddaberichd fa die Gehschend abgeruhf, dass iss fielfaschbrechend #jubel# . Bissje neidisch bin isch jo jezza uff disch, kannschd ma jo am Stammdisch e bissje fazehle.

Gudd dann isch muss ford
liewe Griehs
Anouschka