De Termin is feschd. Mer wees in Miesau bescheid.
Grüßle
Lafayette
Stammdisch im Oktober!?
-
Ziegenfreundin
- Beiträge: 1698
- Registriert: 09.04.2006, 11:30
gemorje sesamme,
@elisja: derf isch disch hehflisch druff uffmergsamm mache, dass de owwedriwwa kenn dialeggd geschrieb haschd, haschde uffehnmol was gehe unsa sprooch #ka# odda hadd das e annara hinnagrund .
isch hann heid morje schunn e bissje uffreeschung gehadd.isch bin runna bei die geisse gang und mier iss direggd uffgefall, dass ennie fähle duhd.
huch #shock# , hann isch gedengd. isch muss noch dezu sahn, dass isch
unne bei de fiecha wa im autfitt folgendermassen: die gähle gummistiwwel grehs43 ohne strimpe, mei wohlfielbux vomm aldi in dezendem grau mit emm rosa bindche.mei uralt fliesjacke mem persatebbischmuschda. #shock# . gekemmd war unn binn isch aach ned, insgesamd war isch heid nur im bad fa die wesch fa se wesche se sordiere.ennad sisch awwa gleich.
jo mei geiss war ford, die annare hann dumm aus de wesch geguggd awwa in dieselb rischdung. unn do hann isch dann was weisses blizze gesiehn unn do hadd die flichdisch geiss ahngefang se meggare. da wolld isch emm die walddier uffmache, wahr de schlissel ned do, dann iss ma uffgefall, dass mei genns ahch ned uff emm terrähn wahre #shock# .die sinn danne dorsch de bach angeschwumm kumm, wie se misch blerre gehehrd hann. ann de leichehall hann se sisch wedda rumgetrieb die rotzleffele.isch dann wedda ruff, schlissel gesuuchd, bei der geleechenheid noch e streid unna de kinna geschlichd unn memm schlissel werra runna bei die geisse. hann bestimmd schunn e haufe kalloriee fabrennd heid morje. do stehd mei geiss schunn for de dier unn wolld rinn, awwa de schlissel hadd geklemmd.iehr kenne eisch forstelle, dass misch das alles e bissje uffgerehschd had #stoned# . dann enndlisch wa die dier uff unn es hedwich schnurstraggs in die hidd wos hei laachad.do hann ischs dann nimmä raus griehd unn hanns misse med gewald am halsband bei die annare fafrachde.die hann misch faschd umgerennd wie se misch memm hedwich gesiehn hann. isch kann eisch sahn. jezza bin isch schunn badschnass geschwizzd unn gehn mol awweile do hinn, wo die dinga aus de wand henge, wo wassa rauskimmd.
scheenes wocheend
anouschka
@elisja: derf isch disch hehflisch druff uffmergsamm mache, dass de owwedriwwa kenn dialeggd geschrieb haschd, haschde uffehnmol was gehe unsa sprooch #ka# odda hadd das e annara hinnagrund .
isch hann heid morje schunn e bissje uffreeschung gehadd.isch bin runna bei die geisse gang und mier iss direggd uffgefall, dass ennie fähle duhd.
huch #shock# , hann isch gedengd. isch muss noch dezu sahn, dass isch
unne bei de fiecha wa im autfitt folgendermassen: die gähle gummistiwwel grehs43 ohne strimpe, mei wohlfielbux vomm aldi in dezendem grau mit emm rosa bindche.mei uralt fliesjacke mem persatebbischmuschda. #shock# . gekemmd war unn binn isch aach ned, insgesamd war isch heid nur im bad fa die wesch fa se wesche se sordiere.ennad sisch awwa gleich.
jo mei geiss war ford, die annare hann dumm aus de wesch geguggd awwa in dieselb rischdung. unn do hann isch dann was weisses blizze gesiehn unn do hadd die flichdisch geiss ahngefang se meggare. da wolld isch emm die walddier uffmache, wahr de schlissel ned do, dann iss ma uffgefall, dass mei genns ahch ned uff emm terrähn wahre #shock# .die sinn danne dorsch de bach angeschwumm kumm, wie se misch blerre gehehrd hann. ann de leichehall hann se sisch wedda rumgetrieb die rotzleffele.isch dann wedda ruff, schlissel gesuuchd, bei der geleechenheid noch e streid unna de kinna geschlichd unn memm schlissel werra runna bei die geisse. hann bestimmd schunn e haufe kalloriee fabrennd heid morje. do stehd mei geiss schunn for de dier unn wolld rinn, awwa de schlissel hadd geklemmd.iehr kenne eisch forstelle, dass misch das alles e bissje uffgerehschd had #stoned# . dann enndlisch wa die dier uff unn es hedwich schnurstraggs in die hidd wos hei laachad.do hann ischs dann nimmä raus griehd unn hanns misse med gewald am halsband bei die annare fafrachde.die hann misch faschd umgerennd wie se misch memm hedwich gesiehn hann. isch kann eisch sahn. jezza bin isch schunn badschnass geschwizzd unn gehn mol awweile do hinn, wo die dinga aus de wand henge, wo wassa rauskimmd.
scheenes wocheend
anouschka
Die ZIEGE gleicht dem
menschlichen HERZEN,
beide machen gerne SPRÜNGE !:-)
menschlichen HERZEN,
beide machen gerne SPRÜNGE !:-)
@ Rosalinde und Hildegard
Hallo Ihr Zweh!
gell, Ihr vergessn net die Sache mitzebringe wo mer in Frei-Lauberschem besproche hawwe.
Ich platz jo fast vor Niegier uff die gequiltete Sache und uff die Lamawoll.
Die Wollkämm, die gefärbte Dasch, mei neie amerikanische Stricknodle un die (dappich) Holzsticknodle fers Hildegard bring ah mit - Seef nadirlisch ach!
Un Hildegard, wann de wirklich zeviel Woll hosch, ich nehm se gern und zahle Dir des ach. Ich hann de Mund ze voll genumme un jetz wolle mindeschdens zweh Kerle en gewebte Lamaschal ze Weihnachte *oops*.
Ich freu mich uff Euch alle mitenanner!
S'Lafayettsche
gell, Ihr vergessn net die Sache mitzebringe wo mer in Frei-Lauberschem besproche hawwe.
Ich platz jo fast vor Niegier uff die gequiltete Sache und uff die Lamawoll.
Die Wollkämm, die gefärbte Dasch, mei neie amerikanische Stricknodle un die (dappich) Holzsticknodle fers Hildegard bring ah mit - Seef nadirlisch ach!
Un Hildegard, wann de wirklich zeviel Woll hosch, ich nehm se gern und zahle Dir des ach. Ich hann de Mund ze voll genumme un jetz wolle mindeschdens zweh Kerle en gewebte Lamaschal ze Weihnachte *oops*.
Ich freu mich uff Euch alle mitenanner!
S'Lafayettsche
-
Ziegenfreundin
- Beiträge: 1698
- Registriert: 09.04.2006, 11:30
Hallo Michel,
das finn isch orisch lieb funn da, dass de an misch denge duschd. im momend stehn die schohnse 75 zu 25 , dass isch kumme kann. die kur funn meina mamme fangd ned ahn, awwa jezza gebbd se ma schunn tausend anweisunge, wie isch misch se fahalle hann, weil isch jo erschd 41 johr hann unn imma noch anweisunge brauch.also isch soll beispielsweise schunn dohemm sinn, wenns ahnfangd dungel se werre #stoned# ,mol gugge vielleichd kann isch die zeid um vier monad seriggdrehe. odda ma falehe de stammdisch in e annarie zeitzohne.
dann mahn se mei hinn ned in de wohnung, weil die angeblisch se grohss währe. gudd do hadd se rechd, awwa sie sinn orisch lieb unn hann mei mamme zum abschlegge gehre. #baeh# danne ferschd se sisch imma allehn im haus, weil so gespendisch dungel iss. gudd im dorf hann se hald nurre ehn iwwa die anna strohsselatern brenne. awwa sie sperrd sisch imma inn wie e feschdung, dass isch owenns erschd mol gehe e dier mem knause knalle.falls isch danne doch foraussichtlisch se spähd hemmkomme, stehd se widda an de kelladier unn faschild misch, wo isch geblieb bin, geherd sisch jo ahch nedd, dass e dreifachie mudda allehn owenns in de kneip huggd.
awwa isch hann ma e bestechungsritual iwwalehd. sie essd doch so gehre hausmacher lewwa unn bluhdworschd. isch werre a so zwä strellcha in de kihlschrang lehe unn e flasch rohdwein dekandiere, in der hoffnung, dass se schnarche duhd uff de kaudsch, wenn isch hemmgebreddad kumme.
isch werre das ding schunn drähe.
dann muss isch mei löhwegefährd noch nachdsicha mache. es rechde lembsche geht nedd. isch hann de ersazz in de kramschublahd im audo leihe nehwe de zahnflehschekaugummis unn de tausend zedees, awwa wedda mei mann noch isch kumme med unsare worschdfingascha bei, es lichdche se wechsele.
isch sahn jezza ehnfach mol, dass isch komme, wennedd bin isch hald e iwwaraschungsgaschd. :D
scheena owend noch
anouschka
das finn isch orisch lieb funn da, dass de an misch denge duschd. im momend stehn die schohnse 75 zu 25 , dass isch kumme kann. die kur funn meina mamme fangd ned ahn, awwa jezza gebbd se ma schunn tausend anweisunge, wie isch misch se fahalle hann, weil isch jo erschd 41 johr hann unn imma noch anweisunge brauch.also isch soll beispielsweise schunn dohemm sinn, wenns ahnfangd dungel se werre #stoned# ,mol gugge vielleichd kann isch die zeid um vier monad seriggdrehe. odda ma falehe de stammdisch in e annarie zeitzohne.
dann mahn se mei hinn ned in de wohnung, weil die angeblisch se grohss währe. gudd do hadd se rechd, awwa sie sinn orisch lieb unn hann mei mamme zum abschlegge gehre. #baeh# danne ferschd se sisch imma allehn im haus, weil so gespendisch dungel iss. gudd im dorf hann se hald nurre ehn iwwa die anna strohsselatern brenne. awwa sie sperrd sisch imma inn wie e feschdung, dass isch owenns erschd mol gehe e dier mem knause knalle.falls isch danne doch foraussichtlisch se spähd hemmkomme, stehd se widda an de kelladier unn faschild misch, wo isch geblieb bin, geherd sisch jo ahch nedd, dass e dreifachie mudda allehn owenns in de kneip huggd.
awwa isch hann ma e bestechungsritual iwwalehd. sie essd doch so gehre hausmacher lewwa unn bluhdworschd. isch werre a so zwä strellcha in de kihlschrang lehe unn e flasch rohdwein dekandiere, in der hoffnung, dass se schnarche duhd uff de kaudsch, wenn isch hemmgebreddad kumme.
isch werre das ding schunn drähe.
dann muss isch mei löhwegefährd noch nachdsicha mache. es rechde lembsche geht nedd. isch hann de ersazz in de kramschublahd im audo leihe nehwe de zahnflehschekaugummis unn de tausend zedees, awwa wedda mei mann noch isch kumme med unsare worschdfingascha bei, es lichdche se wechsele.
isch sahn jezza ehnfach mol, dass isch komme, wennedd bin isch hald e iwwaraschungsgaschd. :D
scheena owend noch
anouschka
Die ZIEGE gleicht dem
menschlichen HERZEN,
beide machen gerne SPRÜNGE !:-)
menschlichen HERZEN,
beide machen gerne SPRÜNGE !:-)