Stammtisch 2008 II

[Oklahomagoat]

Howdy :-)

Alla gut - ich hans jo schunn klääner un fettlos gemacht *oops*

Hallo Harry, was dribbelschde dann sooo? Un dann aach noch soo laud? Do
dun ähm jo die Ohre wehhh.

Jätzd gedull disch änfach emol und wards hald ab unn her off uns zu brämse !

Ausserdem kann isch misch jätzd noch net entschaide.

Vlg Claudia

So kenn isch eisch widder.


Das de Ort feststeht hann isch jo net gewisst #baeh# un wollt halt nur ins Newezimmer #freunde#

Un mei Ulrikschje bring isch ach widda mit, ach wenns es Blech noch im Fuß hot. Awwer bis dorthie isses hoffentlisch schun wirre raus.

Na denn bis speeter.#sleep#

Oklgääs

[Bolivar]

Hallo ehr Leit,
bis jetzt leit de zehnte fienfte in Fiehrung:isch will jo aach net hetze.Awwer
zu guuder letzt braacht mer aach e bissl Planungssischerheit ;-)
Aller wie siehts aus?Kennen ehr all an dem Daach?Odder wann...all?
Uff alle Fäll freehn mer uns uff DIE GANZ BAGAASCH....aach uff de Harry :P .

Aller mol, viele Griess

vum Mischl

[Oklahomagoat]

Howdy :-)

Ach do si doch noch Lewe bei uns. Isch han schun gedenkt, äär weeren all #sleep# .

De 10.5. is fer misch ganz schlecht, do han isch ausgereschent Nachtschicht unn kann net wexele #daumen_runter# unn ausserdääm is es Pingschtsamschtach und Sunndags muss isch aach schaffe gehe.

@ Elsie - machen Zickklein -- Hahahahaha isch hans jezt aach geschnallt #jubel# #engel# *oops*

Han an Mondaacj letscht Woch endlisch amool die Beeck zum Schlachter gefahre unn es Fläsch un Brootworscht häämgeholt. Freidach hool isch noch die Salami und die Rohesser. Mool gucke wie des schmecke duut.

@ Michael

Du woonscht jo nuure iwwerm Buckel in Hetterem , kannsch jo gääre ach mol vorm Stammdisch vorbeigucke- ore isch bei deer, wenn die Mamme mol wirre in der Globus fahre will. Kenscht du eigenlich de Korres vum Mariehof? - Isch aach - is mei Hufschmiieed. Meer krien jezert aach bal a Globus noo Lautre, hans dann nimmi so weit fäär die gure Fläschkeesweck orde die mirem Rollbroote. Leit dan grad immer de Strooss vons Opels - im jezische Real.

Alla auf dann schreiben mol werre, das meer siet, dass eehr ach noch lewen.

Jo dann

Oklgääs

[Bolivar]

Hallo Oklgääs,
wann net de zehnde..wann dann?Noch sin mer flexibel :D
De Korres kenne mer...des is der, wu immer mit de Kutsch dorsch de Wald dunnert, das mer uff die Beem hupse muss, damit mer net unner die Räder kummt #stoned# .Unsern Hufschmied is vun Rammse, werscht de jo ah kenne.
Mer kumme gern emol bei eisch vorbei,moi Fraa is Pferdefan, mer hun selwer vier Stick.Isch bin jo meh de Lamafan #jubel# Bischt aach bei uns willkomme..wann mer deheem sin.

Ala mol bis dann

Griess vum Mischl

[Oklahomagoat]

Howdy :-)

Upps #shock# - däs kennt isch uff dere Kutsch gewest soi *oops* - ich han beim Korres de Firerscheu vor 2 Johr gemacht. Un irschendwie kann isch misch dunkel dro erinnere, das di im Wald immer was newwe weggespritz war wie meer als dort dorsch sin - Soory wennn du des warsch #ka# . wärd nimmi bassiere - isch hann ne. Awwer wennisch wirre ofange will zu fahre wär isch beim Korres nochamol Stunnen nämme. Awwer isch mail ders Dann wenn meer unerwegs sin #freunde#

Lamas fin isch gut. #jubel# Die dääten aach bestimmt zu meine Criollos basse. Hät aach schun amool mit dem Gedanke gespielt Lamas zu halle, wää de Fußballe - die machen net so viel Spure im Gras wie die Geil. Schmeiß mer doch mol dei Tel.Nr in die PN ore als SMS riwwer dass ich aach teflonere kann wenn isch kumm.

Ach jo - wääm Termin - vorne un hinne dro is mers egal - do bin isch sowieso dehäm (Vorne dro sin die Fohle am kumme un hinedro is es Hei am mache).

Joo - des wars dan mol wärre.

Bis dann

Oklgääs

[Lafayette]

Hallo,

aweil hann isch noch net uffs Knöppche gedrickt, awwer mir wär de 10. oder de 17. lieber, weil do dann die Geese sicher uff de Weide sinn.
Könne mer uns vielleicht uff de 10. einige? Do brennts mim Hai no net so.

Grüßle
Lafayette

[Ernst]

Der Termin 10. Mai ist mir recht.
Hatte ursprünglich einen anderen Termin ausgewählt.

[Bolivar]

Hallo,
ei wanns Uli aach am 17. kann, dann hädde mer de Harry aach noch im Boot.Was meent der ganze Rest vun dere Sach?

Griess vum Mischl

[Elise]

Gemorje, also an Pinkschde gehds bai mir net. Die Woch droff schon eha.

Vlg Claudia

[Lafayette]

Gemoje,

aller, dann de 17.? Mir isses recht. Isch hann nur en Problem mim 3. ... un unsere naie Dellefonanlach *arrrgh*. Mer kenne bloß ogerufe werre. Nauszus geht nix. E naie Nummer hots ach gewwe, awwer die wäs kenner #stoned#

Grüßle
Lafayette